3 жасар Үмітке көмек қажет

Көкшетауда жыныс мүшесі дамымай қалған 3 жасар Үмітке отандық дәрігерлер ота жасаудан бас тартқан. Қызға тек шетелдік дәрігерлер көмектесе алады. Туыстары отаға ақша жинауда, деп xабарлайды Stan.kz, BNews.kz сайтына сілтеме жасап.

Үміт 2015 жылы мамырда туылды. Диагнозы – артерияның экстрофиясы, анус атрезиясы, қуықтың алдыңғы қабырғасы болмауы, оң бүйрек кішкентай жамбаста орналасқан, жатыры екі бөлікке бөлінген, олардың әрқайсысының бір түтікшесі бар, артқы тесігі (анус) пен қынабы жоқ, бел, сегізкөз аймағында ісік шығуда

«Маған өте сирек және қорқынышты патология деп түсіндірді. Бір сөзбен айтқанда қызымның жыныс мүшесі жоқ. Оның тоқ және тік ішектері жоқ. Үмітке жедел ота жасалды. Илеостома – қиын ота, ішек қабырғаның алдына шығып кеткен», – дейді қыздың анасы Гүлнәр Зейнуллина.

Әйел шетелдік емханаларды сұрастырып, Израилге тоқтаған. Онда қызының отасына 10 мың доллар сұрайды. Ол өткен жылдың қазанынан бастап әлеуметтік желі арқылы ақша жинай бастаған. Қазірге дейін 7 мың доллар жиналған

«Бізді тек тексерді, бірақ ота жасай алмады. Бұл ота қиын, бала кішкентай, ол шыдай алмай қалуы мүмкін, дейді. Үміттің 1,4 жасында Канададан келген дәрігер ота жасаудан бас тартты. Ол өте қиын екенін айтты. Қазақстанда дәрігерлер бізден бас тартпайды, бірақ, ота жасай алмайды. Ал шет елдік емханаға кезекке тұру үшін, отандық дәрігерлер бізден бас тартуы керек», – дейді Зейнуллина.

Италияда Үміттің патологиясындай ресейлік балаға жасалған ота сәтті аяқталған.

«Италияда балаға 2 рет ота жасатқан. Ол жақтағы ем өткен жылы 55 мың еуро тұрды. Мен ол жаққа электронды түрде хат жібердім. Жауабын күтіп отырмын», – дейді Үміттің анасы.

Жақында бұл отбасы баспаналы болды. Қол ұшын созған азаматтар «Қарекет» қоры арқылы пәтер сыйға тартты.

Комментарии:

Добавить комментарий

Ваш e-mail не будет опубликован. Обязательные поля помечены *