Қадір түні не істеу керек?

Қасиетті Қадір түнінде еліміздің барлық мешіттері ашық болады. Мешітке келіп, уағыз тыңдап, нәпіл намаздар оқып, мешіттегі діни кітаптармен танысу уақытты тиімді пайдаланудың ең тиімді жолы. Онда жайдан-жай отыруға немесе әңгіме айтуға болмайды. Басқаларға бөгет жасап, сондай-ақ тамақ әкеліп, осында тамақтанудың қажеттілігі жоқ. Себебі Қадір түнін мешітте ауыз ашар мен сәресі беріледі. Қадір түнін үйде қарсы алатындар, әйел кісілер ғибадаттарын шын ықыласпен жасауға тырысуы дұрыс. Тұрмыстың кикілжіңдерін шетке ысырып қойып, бұл түнде тек Аллаға құлшылық етуі олар үшін тиімді болмақ. Рухани, діни кітаптар оқып, діни бейнефильмдерді көруге де болады. Мұндағы басты мақсат, түнді ұйқымен емес, қандай амал болса да тек ғибадатпен өткізіп, мол сауапқа кенелу.

Қадір түнін қарсы алудың өзіндік ерекшелігі бар:

Құран оқу. Құранның қазақша нұсқасын оқып, ондағы жазылған аяттардың мағынасын түсінуге тырысауымыз керек.
Аллаға зікір айту;
Пайғамбарымызға () салауаттар жолдау;
Қаза намазды өтеп, нәпіл намаздар оқу;
«Қадір» сүресі осы түннің құрметіне түскен. Сол себепті «Қадір» сүресін және арнайы Қадір түннің нәпіл намазын оқу. Қадір түнінің намазы Құптан намазынан кейін, Үтір уәжіп намазынан соң, таң ағарғанға дейін оқылады. Қадір түнінің намазы 2 рәкаттан 12 рәкатқа дейін оқылады, намазда Фатиха және Қадір сүрелері оқылады.
Қадір түнінің намазынан бөлек бұл түні өзіміз және басқалар үшін дұға жасауға болады. 

Қадір түнінің намазы Құптан намазынан кейін, Үтір уәжіп намазынан соң, таң ағарғанға дейін оқуға болады. Қадір түнінің намазы 2 рәкаттан 12 рәкатқа дейін оқылады, намазда Фатиха және Қадір сүрелері оқылады. Қадір түнінің намазынан бөлек бұл түні өзіміз және басқалар үшін дұға жасауға болады. Бұл түнді Пайғамбарымыз () ең бірінші Құран оқудан бастаған. Ендеше біз де бұл түні Құран Кәрім оқудан бастағанымыз дұрыс. Құранның қазақша нұсқасын оқып, ондағы жазылған аяттардың мағынасын түсінуге тырысауымыз керек. Бұл түні жасалуы тиіс істердің қатарында намаз оқу, Құран оқу, өткен күнәларды енді жасамасқа тәубе етіп, кешірім тілеу, жалбарынып тілек тілеу керектігін айта аламыз. Мойнында намаз қарызы барлар нәпіл намаз оқымай тұрып, әуелі бес уақыттық қаза намаздарын өтеуі артықшылыққа жатады. Алла елшісі (): «Кімде-кім Қадір түнінің артықшылығына сеніп, Алла Тағаладан сауап күтіп, құлшылықпен өткізсе, оның өткен күнәлары кешіріледі», — деген (Бұхари).

Ал, осы түнгі айтылатын арнайы дұғаларға келсек:

«Алаһуммә иннәкә афуун, қаримун, түхиббүл афуа, фағфу анни (Алла Тағалам, Сен кешірімдісің, ұлысың. Кешіруді жақсы көресің, мені де кешіре гөр!)». Айша (р.а.) Пайғамбарымыздан (): «Уа, Алланың елшісі, Қадір түнінде қандай дұға жасайын» деп сұрағанда, Алла елшісі (): «Алаһуммә иннәкә афуун, қаримун, түхиббүл афуа, фағфу анни (Алла Тағалам, Сен кешірімдісің, ұлысың. Кешіруді жақсы көресің, мені де кешіре гөр!)», — деп дұға етуге кеңес берді (Тирмизи).
Ибн Масғұд (р.а.) Алла Елшісінің () былай деп жиі айтатынын естіген: «Я, Алла, расында, мен Сенен Сенің басшылығыңды, тақуалықты, (күнәдан жаман қылықтардан) пәктікті және байлықты сұраймын»(Муслим).

Алла барша мұсылманның ғибадаттарын қабыл етіп, мол сауаптан жазсын!

Абдрахман Ысқақ Рахымбекұлы

Теміртау қалалық орталық мешітінің бас имамы

Комментарии:

Добавить комментарий

Ваш e-mail не будет опубликован. Обязательные поля помечены *