Бірінші сыныпқа қабылдаудың жаңа ережелері

Еліміздің білім жүйесінде дау тудырған тағы бір өзекті мәселе шешімін тапты. ҚР Білім және ғылым министрлігі баланы мектепке қабылдау ережесіне өзгеріс енгізді. ҚР Үкіметінің 2018 жылғы 10 мамырдағы шешімі бойынша алты жасқа толмаған балалар мектепке қабылданатын болады. Білім беру ұйымдарының қызмет көрсету аумағында тұратын балалардың қолжетімділігін, жеті жасқа толған және осы жылы алты жасқа толатын балалардың бірінші сыныпқа қабылдануын қамтамасыз етеді.

«Яғни, қыркүйек-желтоқсан айларында туған балалар осы жылдан бастап бірінші сыныпқа барады, олар күнтізбе бойынша жыл соңына дейін толықтай алты жасқа толады, сондықтан мектепке қабылдануға толық құқылы. Ата-аналар да басқа білім беретін мекемелерді таңдай алады. Оқудан бас тартқан жағдайда ата-аналар мен оқушының заңды өкілі тұрғылықты мекенжайы бойынша жергілікті білім беру мекемесіне жүгінеді», – делінген ҚР БҒМ хабарламасында.

Құжаттарды қабылдау 1 маусымнан 30 тамызға дейін жүзеге асырылады. Сондай-ақ, бірінші сыныпқа балаларды қабылдау үшін мекенжай анықтамасының керегі жоқ.

Комментарии:

Добавить комментарий

Ваш e-mail не будет опубликован. Обязательные поля помечены *